حبه فضفضه

مش عارف ابتدى منين ولااقول ايه
بس انهارده هقول كلام عادى هكلم معا صفحتى دى عادى
مش كلام مترتب ولاشعر ولااى حاجه من دى
يمكن فعلا لانى محتاج اكلم مع حد.

عارفين لما الواحد مننا بيحب حد اوووووى وحاااسس ان الحد ده جزء كبير من حياته من كتر حبه فيه بيحب ياخد رايه فكل حاجه يحب يشاركه فكل حاجه بيعملها..وبيحب يعرف عنه كل حاجه..يحب طول الوقت يكلم معاه..ويستنى الوقت اللى هيكلمه فيه بفارغ الصبر..وممكن لو مش معاه يبقي بيكلمه جوا نفسه..

بجد احساس غريب اهو الاحساس الغريب ده اللى معرفش اعمل فيه ايه حاصلى انا الايام دى..
طبعا محدش يتنح ويقولى ازاى؟؟ ايه ازاى يعنى؟؟ شيء طبيعى بفكر فواحده حااسس انى بحبها لا مش حاسس خالص ده انا فعلا مده بحبها..والله ما انا عارف بكتب ايه كده الدنيا هتبوظ خالص بس مش مهم ماهى كده كده بايظه

المهم من ضمن الحاجات اللى حصللتى انها لوغابت يوم ولاحاجه من غير ماتقولى من قبلها هى فين ولاهتغيب وكده وبتاع ابقي هجنن وطبعا لا وسائل الاتصال بيننا صعبه صعبه صعبه فـــ اانا ببقي اعد هجنن..والصراحه عشان انا مش مصرحلها صراحه انى بحبها وكده فمش بحب ازعجها اوى واترازل وابقي رخم..حسيس انا والله
وياسلام بقي لو كانت رايحه فتحته ولاحاجه وقالتى والحمدلله وعملت معايا الواجب عشان مفضلش قلقان ابقي قاعد مستنى بفارغ الصبر لحد لما ترجع عشان اطمن هى رجعت ولا لا ورجعت كويسه ولا لا

ومن الحاجات اللى استغربتلها اووووى..استغربت نفسي يعنى..اننا فيوم اتواعدنا نتقابل على النت تانى يوووم الصبح..ده طبعا كان اليوم اللى قبلها المهم جيت انا حصللتى ظروف ومكنش هينفع وكنت هجنن طيب ها ها اعمل ايه قلت انا ااخلى المعاد بدرى شويه يعنى ساعتين كده يعنى بدل 10 خليه 8 الصبح ونكلم حبه وانا انزل مشوارى..وبعتلها ماسدج..مممممممممممم واستنى بقي الديلفرد بتاع الماسدج مفيش طيب ايه في ايه قمت باعتها تانى برضه مفيش ديلفرد قلت خلاص انا كده كده افضل صاحى واطبق ولو دخلت نكلم وانزل مشوارى وارجع انام شفتووو بقي الجنااااااان..

المهم انا جيت بعد الفجر والنوم غلبنى ريحت حبه على السرير..واااااااااااخ رحت نايم..قمت مفرزوع بقي على الساعه 10 الصبح قلت ياخبر دانا نمت والساعه 10 زمانها دخلت وقعدت كل ده وزعلت واكيد قامت..قمت ناطت على الجهاز فتحت والحمدلله استلمتنى تريقه بس لقتها الحمدلله..

مش عارف بقي ايه ده انا عارف انه حب وحاااسس الفتره الاخيره انها ممكن تكون برضه بتبادلنى نفس الاحساس..بس قولوا يارب الموضوع يكمل ويمشي صـــــح..

يااااااااااااه دانا رغااااااى اووووى معلش كنت عاوز افضفض..