انهارده هكتبلكم حكايه حكهالى اعز اصحابي حكايه شخصيه ليه هو بس اثرت فيا اوووى
يمكن عشان هو كان متأثر وعشان انا بحبه اوى وانا لاحظت عليه هو كان متأثر اد ايه؟؟
المهم جالى صاحبي واول ماشفته حسيت عليه انه مدايق اووووى
بقوله خير مالك؟؟
مدايق اووووى ياصاحبي ومخنوق ومش طايق نفسي
ليه بس ايه اللى حصل؟؟
وبدأ يحكى
اللى حصل انى شفت الماضي ادام عينى يا اسامه تصووووور؟؟؟
بنت امبارح بنت شهر شهرين فاتوووو بقت ماضي؟
ايوه انهارده شفتها ادام عينى وبقيت واقف زى المشلول
قال وانا اللى كانت فاكر نفسي نسيت وكنت بووهم نفسي واقول خلاص انا نسيتها
وكل ده كان وهم
اول ما شفتها شريط كامل اتعاد فثانيه ادام عينى
صوتها سمعته فودانى
كلمه بحبك شفتها وهى بتقولهالى
لمسة ايديها لايدى
كل حاجه ياصاحبي اتعادت من تانى بس فخيالى
وبقيت مش عارف اعمل ايه؟؟
شفتها وانا مش عارف اذا كانت شافتنى ولا لا؟؟
ولو شافتنى حست اللى انا حسيته ولا هى نجحت وقدرت فعلا تنسي؟؟
كان نفسي اكلمها
اسلم عليها
اعرف اخبارها
بس وقفت زى المتكتف
انهارده وانا في المترو بكلم واحد ومستنى انزل من على السلم واركب المترو لمحتها بطرف عينى وادارت اوام
بقيت مش مركز في كلام اللى بيكلمنى ولا حتى سامعه هو بيقول ايه
خلصت معاه بسرعه وكنت عاوز انزل وراها بس مقدرتش بقيت بقدم رجل وأأخر التانيه
حسيت انى عاجز
نزلت الاتجاه بتاعى وكانت واقفه بضهرها ايوووه هى انا مش هتووووه عنها
كان نفسي تلف واشوفها من وشها بس مكنتش عارف هدارى ولا هفضل باصصلها ولا ايه؟؟
جه المترو بتاعى وركبت ولزقت اتطبعت في الازاز عشان اودعها اودعها من غير ما تشوفنى
وبجد ياصاحبي كان اكتر موقف صعب اتحطيت فيه عمرى ما تخيلت انى ابقي كده لما اشوفها تانى
ورجعت طوووول الطريق تايه في دنيا تانيه ورجلى مش شيلانى
انا والله ما ببالغ انا تعبان اووووووى من جوايا
بتعذب مكنتش عارف انى لسه بحبها
كنت بووهم نفسي انى هنساها بس اللى عرفته انهارده ان النسيان دى شيء صعب اوووووووى
ادعيلى يا صاحبي انى اقدر انساها
وشكرا ليك ياصاحبي انك سمعتنى
يــــــارب انـــــســـــــاهـــــــا
No comments:
Post a Comment