واخرتها تبعتلى اس ام اس

واخرتها تبعتلى اس ام اس
وتقولى مبقتش عايزاك؟؟

اتفاجئت..اتخنئت..معرفش احساس غريب
يرن تليفونى العجيب ده..
ماسدج..امسكو زى العبيط
اصلى من الناس اللى بيفرحوا بالمسدجات
الاقي رساله باسمها
استغرب لاننا بقالنا كتير متعاركين سوا سوا
افرح واقول يمكن بتصالحنى
وافتح وانافرحان
ها يا مسهل
ايه ده ايه ده
ادعك فعينى زى طفل لسه صغير
اصلى الصراحه مكنتش مصدق نفسي
وامسك التليفون من فوق لتحت
افتح الماسدج واقفلها
اتاكد من الاسم
وبرضو مفيش تغيير
هى هى الرساله
وهو هو الكلام
فعلا هى؟؟
الله ايه الكلام الغريب ده؟؟
احنا اه متخناقين بس متوصلش للدرجه؟؟
تبعتلى ماسدج وتقولى (خلاص يااسامه مبقتش عايزاك)
لاوكاتبه اسمى كمان؟؟دى بتاكد بقي
ياااااااااه بقي قصه حب عاشت سنتين وسبع شهور واسبوعين وتلت تيام
تنتهى بـــ اس ام اس
واااااااه عليك يا زمن
واخدت نفس عميق
لاناالدمعه كانت هتفر من عينى
بس حاولت امسك نفسي
وكمان الرساله كانت فرانكو ارب klas ya osama mabe2tesh 3ayzak

الصراحه فضلت متنح ومتيس بتاع يومين تلت ايام كده
ومش عارف اكلمها ولااعمل ايه
اصل الصدمه كانت شديده شويتين تلاته اربعه كده
ماهو انا بنى ادم ياجدعان
ومش عارف اكلمها ولااعمل ايه
وبعدين كرامتى وعزه نفسي منعتنى
وبعتلها برضو اس ام اس
ماهى اللى بدأت بقي
ومسكت الموبايل الحزين زى صاحبو
وكتبت وانا ايدى بترتعش؟؟وسنانى بتخبط فبعض
زىماتحبي انتى اللى اخترتى متبقيش معاياوبرضو فرانكو ارب
zay ma t7eby anty ely a7'tarty matb2esh ma3aya
والصراحه كنت عاوز اقولها غورى فداهيه بس اخلاقي مش سمحتلى
والصراحه برضو كنت لسه بحبها
اصل انا لما بحب بحب بجد
ومش بعرف اكره
او بمعنى اصح كلمه الكره ممسوحه من قاموسي
ماهى دى المصيبه اللى انافيها
ومن ساعتها لاحس ولاخبر
انا كنت بقول يمكن كانت نايمه وهى بتكتب الماسدج دى ولاحاجه
ولاكتبتها بالاكرااااه
اصل انا عارف امها مش بتحبنى
لكن برضو لاحس ولاخبر
ولسه مخلى الــ اس ام اس الكئيبه فـــ موبيلى الكئيب
وكل شويه افتحها واقرئها واعيط
كل مااجى ادوس ديليت ارجع واكنسل
عشان كل ما اتخنق افتحها واتخنق اكتر
غاوى خنقه ونكد انا
عيل كئيب يخرب بيتك خنئتنى
فكك منى بقي عشان انا والله اتخنئت بجد
كفايه بقي عشان انا اتخنئت
وعلى راى الاخ محمد محى
اتخنئت...بس هى اللى كانت بتضيع وقت